FELIZ 2016

AS MASCOTAS, O PROFESORADO E AS NENAS E OS NENOS DE INFANTIL DE TRES ANOS DESEXÁMOSVOS

FELIZ

CHOCOLATADA

POR FIN CHEGOU O DÍA DA CHOCOLATADA! LEVÁBAMOS AGARDANDO TODA A SEMANA!  O CHOCOLATE E A ROSCA ESTABAN TAN RICOS QUE ALGÚNS NENOS E ALGUNHAS NENAS REPETIMOS.
LOGO ESCOITAMOS CANTAR ÁS NENAS E AOS NENOS DO CORO.
POR ÚLTIMO CHEGOU O APALPADOR QUE APALPOU AS NOSAS BARRIGUIÑAS E AGASALLOUNOS CUNHA BOLSA DE CHUCHES.

TARXETAS DE NADAL

PARA FELICITAR AS FESTAS AS NOSAS FAMILIAS ELABORAMOS ESTAS TARXETAS DE NADAL. MIRADE QUE BONITAS NOS QUEDARON! SOMOS UNS E UNHAS ARTISTAS!

METEMOS AS TARXETAS NO SOBRE CO SELO E O NOSO ENDEREZO PARA REMITILAS POR CORREO. HOXE AS 10 DA MAÑÁ O CARTEIRO VIU AS NOSAS CLASES PARA RECOLLER AS FELICITACIÓNS E TROUXONOS UNS AGASALLOS: UN CONTO PARA CADA NENO E NENA E TAMÉN CARAMELOS!

CONCERTO DE NADAL

HOXE DISFRUTAMOS MOITO CO CONCERTO DA BANDA DE MÚSICA NAVAL MILITAR.

VISITA AO APALPADOR

HOXE O ALUMNADO DE 3 ANOS SUBIMOS AO COLEXIO DOS MAIORES PARA COÑECER AO APALPADOR QUE ESTABA COLOCADO NA ENTRADA. MIRADE QUE EMOCIONADOS ESTAMOS AO SEU CARÓN.

EXPOSICIÓN DE TROMPOS E CARTEIS

HOXE VISITAMOS A EXPOSICIÓN DE TROMPOS E CARTEIS.QUE BONITA QUEDOU!

O APALPADOR E AS FESTAS DE DECEMBRO

O PANDIGUEIRO OU APALPADOR É UN PERXONAXE TÍPICO DESTAS DATAS. É UNHA FIGURA LENDARIA GALEGA QUE ACHEGA AGASALLOS ÁS NENAS E AOS NENOS POR ESTAS DATAS.
PODEDES AXUDARNOS A COÑECELO UN CHISCO.
IMOS DEIXAR ACTIVIDADES PARA QUE AS FAGADES CONNOSCO.

ACTIVIDADES CO APALPADOR from xianadecide

ACABAMOS O PROXECTO DA MASCOTA

TEMOS MASCOTAS.
CHÁMANSE CÁSPER E GACAR...
SON UNHAS MASCOTAS MOI BONITAS...
IMOS ENSINARVOS UN POUQUIÑO

XA ESTAMOS ELABORANDO A NOSA MASCOTA

LAMPI E ANTÍO AXUDÁRONOS, TAMÉN AS FAMILIAS... TEMOS MOITA INFORMACIÓN SOBRE MASCOTAS POSIBLES.
IMOS REMATAR O PROXECTO CUN DESEÑO CONXUNTO... A VER SE NOS POÑEMOS DE ACORDO!
AGORA ANDAMOS A DESEÑAR A NOSA E A POÑERLLES NOME.
XA VOS CONTAREMOS COMO QUEDA.

FACENDO TARXETAS PARA LAMPI

VEÑEN AS FESTAS DO INVERNO.
LAMPI TEN PROBLEMAS PARA REMITIR AS POSTAIS DE FELICITACIÓN.
ESTES DÍAS DEIXOUNOS UNHA CARTA PARA PEDIRNOS AXUDA.
TAMÉN NOS DEIXOU UNHA CAIXA CON MODELOS DE TARXETAS

Tarxetas que recibiron as mascotas from xianadecide

NÓS TAMÉN LOITAMOS CONTRA O MALTRATO

NESTES DÍAS ESTAMOS LENDO E TRABALLANDO CUNS CONTOS MOI ESPECIAIS.
A TRAVÉS DESTES CONTOS OBSERVAMOS SITUACIÓNS DE DISCRIMINACIÓN E FALAMOS SOBRE ELAS.
SE QUEREDES FALAR CONNOSCO DE TODO ISO AQUÍ TENDES OS CONTOS:

Alá no planeta machis from xianadecide

Maruxa from xianadecide

PROXECTO SOBRE AS MASCOTAS

LEVAMOS UNS DÍAS CO NOSO PROXECTO SOBRE AS MASCOTAS.
1º FALAMOS DO QUE SABIAMOS DAS MASCOTAS E A PROFE ESCRIBIUNO NUN MURAL.
DESPOIS DIXEMOS QUE QUERIAMOS SABER SOBRE AS MASCOTAS E ONDE PODERIAMOS ATOPAR INFORMACIÓN.
DIXEMOS QUE PODERIAMOS ATOPAR INFORMACIÓN NA CASA... ASÍ QUE AGORA ESTAMOS FALANDO CADAQUÉN DAS NOSAS MASCOTAS. FACEMOS UN XOGO DE ADIVIÑAR!!! E TRAEMOS UNHA FOTO NOSA CON ELAS.
XA VOS SEGUIREMOS CONTANDO.

ÁRBORE DE OUTONO

COMO COMPLEMENTO A TODO O QUE TRABALLAMOS SOBRE O OUTONO E O MAGOSTO ELABORAMOS UNHA ÁRBORE.
XA A REMATAMOS ..
MIRADE QUE BONITA NOS QUEDOU!

CELEBRAMOS O MAGOSTO

O VENRES CELEBRAMOS O NOSO PRIMEIRO MAGOSTO NO COLEXIO.
PRIMEIRO FOMOS VER COMO PACO ASABA AS CASTAÑAS COA AXUDA DOS NENOS E NENAS DE 6º.
 DESPOIS XOGAMOS A PASAR A CASTAÑA AO SON DA MELODÍA "ARAO, ARAO" QUE NOS ENSINOU A PROFE LOLA.
A CONTINUACIÓN COMEMOS AS CASTAÑAS.
A FESTA REMATOU CUNHA DEMOSTRACIÓN DE COMO SE BAILA O TROMPO.
MIRADE QUE BEN O PASAMOS!

UN OBRADOIRO DE PINTADO DE TROMPOS

HOXE AS NENAS E OS NENOS DE 6º ESTÁN CONNOSCO NA CLASE, IMOS PINTAR TROMPOS E VAN AXUDARNOS.

 IMOS USAR AS CORES DO OUTONO...LEMBRADES QUE ESTIVEMOS TRABALLANDO COAS TONALIDADES?




GOZAMOS MOITO COA ACTIVIDADE, MIRADE COMO NOS QUEDARON!

CONTOS DE MEDO

NESTA SEMANA ESTIVEMOS ESCOITANDO, IGUAL QUE AS MAIORES E OS MAIORES, CONTOS DE MEDO.
ESCOITAMOS NA BIBLIOTECA E NA AULA

ESTAMOS TRABALLANDO AO REDOR DO MAGOSTO E O OUTONO

ESTES DÍAS TRABALLAMOS CO OUTONO, AS CORES QUE TEN, A QUE SE XOGA,..
ESCOITAMOS CONTOS DE MEDO PORQUE NO OUTONO ESTÁ O SAMAÍN-HALLOWEEN E CANTAMOS CANCIÓN RELACIONADAS COA ÉPOCA.
NA CLASE FIXEMOS UN OBRADOIRO PARA VER TONALIDADES DE OUTONO, E DESPOIS PINTAMOS CON ELAS FOLLAS. A QUÍ VOS DEIXAMOS UNHAS FOTOS

AS NOSAS FAMILIAS TIVERON XUNTANZA COAS PROFES

FALARON DE MOITAS COUSAS
VELAQUÍ A PRESENTACIÓN QUE USARON.

Power point para la reunión ei 3 from xianadecide

ANTÍO MANDOUNOS UNHA CARTA

A ANTÍO GÚSTALLE MOITO O COLEXIO.
SEICA VÉN TODOS OS OUTONOS VISITALO.
NÓS ACABAMOS DE COÑECELO PERO CÁENOS MOI BEN.
MANDOUNOS UNHA CARTA PARA PEDIRNOS AXUDA PORQUE QUERE CELEBRAR O MAGOSTO... QUE QUERERÁ FACER? IMOS AVERIGUALO NESTES DÍAS.