REMATAMOS O TRIMESTRE

Acabamos o 1º trimestre coa celebración da nosa tradicional "Chocolatada". Ao ser o alumnado maior do colexio, tivemos a responsabilidade de repartir o chocolate e a deliciosa rosca por todos os niveis. Ademais, tivemos uns presentadores de luxo para as badaladas que fixemos ás 12 do mediodía no patio da escola. Berta e Pedro puxeron o broche de ouro para este día tan especial. 

Vémonos o próximo ano! 

Boas vacacións a todas e a todos!

XOGADE

Este ano participamos no programa Xogade. Comezamos recibindo a visita do alumnado de 6º do CEIP de Parada-Campañó. Pasámolo moi ben!

 CONCURSO TÍRALLE DA LINGUA

Este ano o alumnado de 6° de primaria participamos no concurso Tíllalle da Lingua. Escribimos contos do Samaín en galego, eleximos un por clase, logo grabamos poñendo as nosas dotes interpretativas e finalmente editamos o audio.

Aquí tedes o resultado destas contadas para que desfrutedes tanto coma nós.

"Extraterrestres en Mourente" Iago 6ºA

    

     "Unha trepidante peripecia" Alma 6ºB

DÍA INTERNACIONAL CONTRA A VIOLENCIA DE XÉNERO

Todos os días do ano son bos para loitar contra a violencia de xénero, pero neste 25 de novembro queremos poñer aínda máis énfase no noso rexeitamento ante este tipo de maltrato. 

  VISITA Á EXPOSICIÓN PICASSO PROTAGONISTA

O alumnado de 6º visitou o pasado 10 de novembro unha exposición, ofrecida polo Café Moderno de Pontevedra, sobre a arte do eterno pintor malagueño a través das reinterpretacións de diversos artistas de cómic. Esta exposición ofreceu ao alumnado novas formas de achegamento e de coñecemento da enorme produción picassiana.

UNHA VIAXE ALUCINANTE COAS CÉLULAS

 O alumnado de 6º descobre, traballando por equipos, o asombroso mundo celular con estas maquetas creativas e curiosas. Estas maquetas transportarante a un universo cheo de vida, amosándote a estrutura e funcións esenciais das células dun xeito único. Traballaron arreo e con moita imaxinación nunha actividade que foi o broche final ao noso proxecto de ciencias naturais. 

 

CELEBRACIÓN DO SAMAÍN

Hoxe celebramos o Samaín no colexio. O alumnado de 5º e 6º realizou unha exposición de cabazas. A verdade, é que nos quedaron moi ben!

NOVO PROXECTO!

Comezamos un novo proxecto "Viaxamos pola Idade Contemporánea! Agardamos aprender moitas cousas novas!

ACÉRCASE O SAMAÍN...

Esta semana, o alumnado de 5º e 6º de Primaria está facendo un traballo xenial coma contacontos nos distintos niveis educativos do centro. Os contos teñen unha temática baseada no misterio e no medo, tan propios desta época que se aproxima do Samaín. Agardamos que o pasedes terrorificamente ben escoitando estes contos tan chulos!

RECANTO DE PENSAR E EMOCIÓNS

Este ano, estamos traballando as emocións mediante a Caixa de Mensaxes Positivas e Abrazos. Así mesmo, temos o Recanto de Pensar... pero para pensar de verdade e intentar dar solucións a preguntas "importantísimas para a existencia humana!"

PRIMEIRO PROXECTO DO NIVEL

Hoxe comezamos o proxecto "Explorando os acontecementos do pasado!" que nos servirá para repasar e ampliar temáticas sobre a historia traballadas xa no curso pasado. Esperamos aprender moitas cousas novas mediante as nosas investigacións!

COMEZAMOS UN NOVO CURSO!

O día 11 de setembro volverémonos ver despois destes meses de vacacións. Moito ánimo neste comezo dun curso tan especial como é o de sexto de primaria!

REMATAMOS 5º DE PRIMARIA!

Hoxe finalizamos o curso escolar cunha festa especial. Cando regresemos en setembro, estaremos en 6º de primaria e seremos os maiores do cole. Canta responsabilidade!

VISITA DE 4º DE PRIMARIA

Recibimos a visita do alumnado de 4º de primaria para explicarlles como se traballa no 5º curso.

VISITAMOS O HORTO DO COLEXIO

VISITAMOS AS ILLAS DE SAN SIMÓN E DE SAN ANTÓN

Este venres fixemos unha visita ás illas de San Simón e de San Antón. 

TALLER DE PERCUSIÓN

 Hoxe participamos nun obradoiro de percusión!

VISITA DE TERESA PORTELA E NOEL DOMÍNGUEZ

PLANTACIÓN NO BOSQUE DA ESPERANZA

Hoxe fomos plantar as nosas árbores no monte da Fracha. Agardamos que crezan sans e fortes!

23 DE FEBREIRO: DÍA DE ROSALÍA

Neste día dedicado a Rosalía de Castro aproveitamos para cantar un dos seus poemas, "Adiós ríos, adiós fontes", acompañando a voz de Amancio Prada. 

Así mesmo, plantamos uns pensamentos, xa que eran as flores favoritas de Rosalía.

ENTROIDO 2023

Hoxe celebramos o Entroido no colexio. Nós escollemos a temática dos deportes para os nosos disfraces. Agora descansaremos uns días para volver con enerxía renovada!

SAÍDA AO TEATRO

Esta semana fixemos unha saída para ver a función en inglés "What monster?" Pasámolo moi ben; ademais, tivemos a sorte de que unha rapaza de quinto e dúas nenas de sexto foran escollidas para saír ao escenario e participar na obra. Foi unha gran experiencia!

DÍA ESCOLAR DA NON VIOLENCIA E DA PAZ

Co gallo da celebración do Día Escolar da non Violencia e da Paz realizamos creacións en WordArt en lingua galega relacionadas con esta temática. No seguinte vídeo podedes ver varios dos nosos traballos. Agardamos que vos gusten!

TALLER DE ESCRITURA

Estes días estamos moi ocupadas e ocupados inventando contos e, así, practicamos varios aspectos da escritura e aproveitamos logo para contarllelos ás nosas compañeiras e compañeiros.

Estamos demostrando ter moita creatividade e, ademais, dramatizámolos moi ben!